ASÍ TRABALLAMOS NA ASEMBLEA

 Cada mañá ao chegar ao Cole, o primeiro que facemos é quitar as chaquetas, poñer o mandilón e sentarnos na asemblea para comezar o "Día". 

Cantamos a canción ¿Hola como estás?"

Seguidamente eleximos ao encargado que se pon o seu medallón e comeza a pasar lista. 

Contamos cantas nenas e nenos están no cole e cantos se quedaron na casa.

Despois o encargado coloca as letras magnéticas do seu nome e o escribe. Conta as letras do seu nome, pon o número e cantamos nomeando todas as letras e os sons de cada unha delas. 

Facemos unha composición acróstica coas letras do nome

 

 

 

 

Xogamos coa inicial do protagonista: 

Primeiramente buscamos a inicial, pegámola na CASIÑA das vogais e unimos... Por exemplo cando a "A" acompaña a "S" como fala?? "SA"

  

De seguido o encargado debúxase a se mesmo tentando non esquecerse de ningunha parte do corpo. 

A continuación, cantamos a canción dos días da semana e colocamos o día que corresponde no mural. Poñemos no tren segundo corresponda:"Onte foi"..... "Hoxe é"... "Mañá será"

 Tamén marcamos no noso calendario o día que é.  

Cantamos a canción dos meses e colocamos o que corresponda.....OUTUBRO

Despois observamos o tempo que fai e a estación na que estamos para colocalo no mural da aula.

Para saber o que nos toca facer ao longo do día, colocamos por orde a sucesión das actividades: Asemblea, traballo en recunchos, patio, merenda..

OUTRAS ACTIVIDADES NA ASEMBLEA: "APRENDEMOS XOGANDO"

O XOGO DA TAPITA

Este xogo consiste en coller un nome dun neno/ a do grupo ao azar. Tápase o nome por completo e aos poucos vanse descubrindo as letras empezando pola primeira. Os nenos/as teñen que pescudar que nome empeza por esa letra ou que nome ten as letras que se van ensinado.  Perooo... a cousa se complica cando a primeira é a letra "A"..toca seguir destapado!!!

 A PALABRA PROTAGONISTA

- Pensamos nunha palabra, construímola coas letras e pronunciando os sons. 

- Tentamos escribila.

- Contamos as sílabas, colocamos as palmadas  e o número. 

- Colocamos as vogais que ten a palabra

- Volvemos a escribir a palabra no "contador de letras" para saber cantas letras ten e colocar o número correspondente.

O NÚMERO PROTAGONISTA

-Tiramos o noso dado e traballamos co número que nos toque. 

-Buscamos o número, e todos o repasamos co dedo e ao finalizar o encargado cun rotulador.

-Buscamos como se escribe ese número.

- Montamos as tartarugas que corresponden no autobús, o número de dedos, o dado cos puntos e as estrelas segundo o número protagonista. 

- Poñemos os pelos a "Pelón e Pelona" segundo corresponda.

- Na recta sinalamos o número cunha pinza e abrimos as xanelas para coñecer aos amigos do número protagonista( o anterior e o posterior) 

- Por último, facemos a retroconta dende o número ata o 0. 

COLOCAMOS NA RECTA NUMÉRICA: 

O seguinte xogo consiste en colocar na recta un dado con tantos puntos como o número sinalado.

SALTAMOS NA RECTA NUMÉRICA